Экзотариум в Ailand

«Ailand» отбасылық демалыс орталығының бір бұрышында жұмбақ әрі ерекше экзотикалық жануарлар мекендейді. Олар Астанаға әлемнің түкпір-түкпірінен жеткізілген. Бауырымен жорғалаушылар, қосмекенділер, жыртқыш және шөпқоректі сүтқоректілер өздерінің табиғи тіршілік ортасына барынша жақындатылған арнайы жағдайларда өмір сүреді.

Экзотариумда ерекше атмосфера қалыптасқан: жарығы бәсеңдетілген кеңістік, кондиционерлер сыйлайтын салқын ауа, әсем безендірілген қабырғалар мен төбе. Мұнда әртүрлі террариумдар орналасқан. Бірінен екіншісіне өтіп, экзотикалық жануарлармен жақынырақ танысып, олардың мінез-құлқы мен тіршілігін тамашалай аласыз.

Қолтырауындар, питондар, өрмекшілер, маймылдар және басқа да көптеген жануарлар сіздерді Экзотариумда күтеді!